ഓർമ്മകൾ പെയ്തൊരീ രാതന്തിയിൽ
മാനസം മീട്ടും രാഗം ശോകാർദ്രമായ്
ഇരുൾ വീണലിയും നിലാവിൽ ചാരത്തു നീയില്ലെങ്കിൽ
ഇനിയെനിക്കെന്തിനാണാ
പാഴ് ജീവിതം
കേഴുന്നു ഞാൻ മൂകമീ പൂവാടി തേങ്ങും പോലെ
വസന്തമേ നീയെനിക്കെൻ സുഗന്ധമേകൂ
കാതോർത്തിരിപ്പൂ ഞാനെൻ
സ്നേഹജാലകത്തിൻ ചാരെ
ഒരു തെന്നൽ തളിർവിരലാൽ
നീ തഴുകിയെങ്കിൽ
ഞാനൊരു പനിനീർ മലരായ്
വിടരാം
മധുകണമായ് നീ എന്നിലലിഞ്ഞാൽ
അർക്കൻ ചുംബിച്ച താമരയിതൾ
പോലെ
എന്മുഖമത്രമേൽ അരുണാഭമാകവേ
എന്മനതാരിലൊരായിരം സ്വപ്നങ്ങൾ
മുരളീഗീതത്താൽ മുഖരിതമാകവേ
നിനക്കായെൻ മൗനവും വാചാലമായ്.....
No comments:
Post a Comment