"നീ വരഞ്ഞിട്ട ചില്ലു കൊട്ടാരത്തിലെ തടവുകാരിയാണ് ഇന്ന് ഞാൻ. നിലാവിന്റെ ചുമരുകൾ തുളച്ചെത്തുന്ന നിന്റെ മൗനത്തിന്റെ ഈ ശൈത്യം എന്റെ നാഡികളെ തളർത്തുന്നു. ഹൃദയം എന്നേ തണുത്തുറഞ്ഞിരിക്കുന്നു. കല്ലിനെക്കാൾ കഠിനമാണോ നിന്റെ മനസ്സ്. .
അത്രമേൽ നേർത്തൊരു നൂലിഴ കൊണ്ടാണോ നീയെന്നെ ചേർത്തു വെച്ചത്? ഒരു ഭ്രാന്തൻ ചിന്തയുടെ കാറ്റിൽ പാറിപ്പോകും വിധമാണോ നീയെന്നെ ഹൃദയത്തിൽ കൊരുത്തിട്ടത്?
നിന്റെ അസാന്നിധ്യത്തിൽ പൂക്കാനൊരു ചില്ലയില്ലാതെ എന്റെ വസന്തം മടങ്ങിപ്പോയിരിക്കുന്നു."
No comments:
Post a Comment